نړیوالو رسنیو د امریکا په «ارېزونا» ایالت کې په ډزو د لسو کسانو له ټپيکېدو خبر ورکړی دی.
په راپورونو کې د دغه ایالت د پولیسو په حواله راغلي چې دا ډزې په ځایي وخت پرون د خلکو په ګڼهګوڼه کې د یو ناپېژانده کس له لوري شوې او بریدګر هم د پولیسو په ځوابي ډزو ټپي شوی دی.
پولیسو ویلي چې یاد کس د خلکو په ګڼهګوڼه کې ډزې کړې او لس کسان یې ټپیان کړي دي.
د راپورونو له مخې چې بریدګر په ټپي حالت کې روغتون ته لېږدول شوی او د هویت په اړه یې معلومات نه دي ورکړل شوي دي.
چارواکو تر اوسه د دې پېښې د لامل او انګېزې په اړه څه نه دي ویلي.
په امریکا کې دا ډول پېښې بېخي عادي شوې دي، او وخت ناوخت لسګونه کسان په ډزو وژل کېږي.
د یادولو ده چې د ډزو پېښې تر ډېره په ښوونځیو، رسټورانټونو، بازار او نور له ګڼېګوڼې په ډکو ځایونو کې کېږي، او ډېر ځله د عامه امنیت په اړه له خلکو سره اندېښنې پيدا کوي.
څه موده مخکې هم هلته په یو رسټورانټ کې د یو کس له لوري په ډزو شپږ کسان وژل شوي او تر لسو ډېر نور ټپيان شوي وو.
