د غور امنیه قومندانۍ یوه خبرپاڼه خپره کړې او ویلي یې دي، چې دا پېښه پرون شنبه د مرغومي ۱۷مه د دې ولایت د تیورې ولسوالۍ په «دهان دو رودي» کلي کې شوې ده.
په خبرپاڼه کې راغلي، چې دا مېرمن «سکينه» نومېده او د تمانچې په مرمۍ یې ځان ویشتلی.
تر اوسه د دې ځان وژنې لامل نه ده څرګند شوی، خو د تيورې ولسوالۍ امنيتي ځواکونو په دې اړه خپلې پلټنې پيل کړې.
غور د هېواد په لوېديځ کې يو له هغو ولايتونو څخه دى، چې پکې د ښځو پر وړاندې د تاوتريخوالي ګراف لوړ بلل کېږي.
د بې وزلۍ او بېکارۍ سربېره ډېری وخت کورنۍ تاوتریخوالی د دې ډول پېښو د ډېرېدو يو لامل بلل کېږي.
په دې وروستي وختونو کې ورته پېښې او مرموزې وژنې زیاتې شوې دي.
