ښاغلي شریف نن دوشنبه د مرغومي ۱۹مه له پاکستان سره د مرستو په اړه د جینوا کنفرانس ته ویلي چې هېواد یې راتلونکو درې کلونه لپاره له خپلو نړیوالو شریکانو څخه اته ملیارډ ډالرو مرستې ته اړتیا لري.
شهباز شریف ویلي، په دې مرستې سره به وکولای شي چې د تېر کال د ویجاړوونکو سېلابونو له امله دا ځپلشوی هېواد ورغوي.
تېر کال د اقلمي بدلون له امله په پاکستان کې مرګونو سېلابونو دغه هېواد له سختو اقتصادي ستونزو سره مخ کړ چې ډېر ځاني او مالي تاوانونه اړولي دي.
دغو سېلابونو د لږ تر لږه ۱۷۰۰ کسانو ژوند واخیست او شاوخوا اته میلیونه وګړي یې بېځایه کړي دي.
دا په داسې حال کې ده چې په دې وروستیو کې په پاکستان کې د اوړو په ګډون د خوراکي توکو بیې په بېسارې توګه لوړې شوي دي دي.
د راپورونو له مخې، په دغه هېواد کې د یوې بوجۍ اوړو بیه شاوخوا ۸ زره کلدارو ته لوړه شوې ده.
