د نیپال چارواکي وایي چې په دغه هېواد کې د وروستیو خونړیو سېلابونو له امله په تونلونو کې د بند پاتې کسانو د ژغورنې هڅې روانې دي، او په وینا یې چې دوه کارګر نهه ورځې وروسته له تونل څخه ژوندي را ایستل شوي دي.
په راپورونو کې د نیپال چارواکو په حواله ویل شوي چې له دې پېښې وروسته د هغو شاوخوا ۹۰۰ نورو کسانو د ژغورنې هیلې پیدا شوې چې لا هم په تونلونو کې بند پاتې دي.
چارواکو ویلي چې د دغو شاوخوا ۹۰۰ کسانو د ژغورنې عملیات جریان لري، او د ژغورنې لپاره یې له کنترولشویو چاودنو او بېلابېلو لارو استفاده کېږي.
تر دې مخکې ویل شوي وو چې په نیپال کې د سېلابونو له امله د شاوخوا ۵ زره نادرکهشویو کسانو له ډلې هغه ۹۳۳ کسان هم شمېرل شوي چې د نیپال د برېښنا پروژو په تونلونو بند پاتې او د ژغورنې هڅې یې روانې دي.
د راپورونو له مخې چې په نیپال کې د تېرې اوونۍ خونړیو سېلابونو له امله په دغه هېواد او د چین په ځینو برخو کې له ۱۰۰۰ ډېر کسان مړه او نږدې ۵ زره نور نادرکه شوي دي.
