د ملګرو ملتونو تر ټولو لوړپوړې چارواکې «امنه محمد» پرون شنبه د کب ١٣مه ویلي، افغان مېرمنې او نجونې د زدهکړې او روزنې له ازادۍ او اساسي حقونو څخه بې برخې دي.
هغه د اسلامي امارت له حکومت څخه وغوښتل چې ژر تر ژره پر ښځو لګولشوي بندیزونه لغوه کړي او له نړیوالې ټولنې یې هم وغوښتل چې د افغانستان د ښځو او نجونو د ملاتړ لپاره یو موټی شي.
اغلې امنې محمد همدا راز ویلي چې د افغانستان ښځې او نجونې یوازې نه دي او زیاته کړې یې ده چې موږ باید له دغو نجونو سره د یوالي لپاره خپل غږ اوچت کړو.
هغه ویلي چې انلاين زدهکړه يو ښه نوښت دى، خو ټينګار يې وکړ چې دا بسنه نه کوي.
د هغه په وينا، په افغانستان کې د منځني ښوونځيو نجونې تر ۵۰۰ ورځو پورې ښوونځيو ته له تلو منع شوې دي.
د ملګرو ملتونو د عمومي منشي مرستیال په دې وروستیو کې د یوه لوړ پوړي پلاوي په مشرۍ کابل ته سفر کړی او د اسلامي امارت له یو شمیر چارواکو سره یې لیدلي دي.
