د کندهار د والي وياند، حاجي زيد ازادۍ راډيو ته ویلي چې نن یکشنبه د سلواغې ۳۰مه د طلوع نيوز خصوصي تلوېزیون سيمهييز خبريال، محمديار مجروح له بنده خوشې شوی دی.
تېره پنجشنبه د سلواغې ۲۷مه کورنیو رسنیو او خبریالانو د ملاتړ بنسټونو د اسلامي امارت د استخباراتو لخوا په کندهار کې د محمدیار مجروح د نیولو اعلان وکړ.
د افغانستان د خبريالانو مرکز د مجروح پر نيولکېدو د خواشينۍ په څرګندولو سره د هغه د ژر او بېشرطه خوشې کېدو غوښتنه وکړه.
په همدې حال کې پر بشري حقونو د څار ادارې په کندهار کې د اسلامي امارت له زندانه د دغه سیمهییز خبریال د خلاصون غوښتنه کړې ده.
