حماد نن پنجشنبه د سلواغې ۲۷ مه په ټویټر لیکلي: “هغه کسان چې څو ورځې وړاندې یې په هوایي ډګر کې د خلکو سپکاوی وکړ او ځانونه یې د نظام برخه ګڼله او هغه تخریبکوونکي چې ترکیې ته یې د افغانانو د وړلو اوازې خپرې کړې وې، ټول د استخباراتو ریاست لخوا نیول شوي دي.”
ښاغلی حماد زیاته کړې: “دلته هېچاته د خپلسرو کړنو او تخریب اجازه نه ورکول کېږي.”
د تېرې اونۍ د چهارشنبې په ورځ ناڅاپه په سلګونو کسان ترکیې ته د مرستندویه ټیم د لېږلو د اوازو له امله هوايي ډګر ته راوتلي وو چې د اسلامي امارت د ځواکونو له ناوړه چلند سره مخ شول.
له دغو کسانو سره د اسلامي امارت د عسکرو د ناوړه چلند ویډیوګانې په ټولنیزو شبکو کې له پراخو غبرګونونو سره مخ شوې.
