د دايکنډي د امنيې قوماندانۍ وياند، غلام علي جاوید ویلي چې دا پېښه پرون شنبه د سلواغې ٢٢مه له غرمې مخکې شاوخوا يوولس بجې د خدير ولسوالۍ په محمد خواجه سیمه کې شوې ده.
د هغه په وينا، دې مېرمنې د څو ماشومانو په ګډون له څو نورو کسانو سره هڅه کوله، چې له يوه کلي څخه بل کلي ته پلې لاړه شي، چې تر واورو لاندې شوې ده.
دا په داسې حال کې ده د افغانستان د هوا پېژندنې ادارې له وړاندوینې وروسته د تېرې اونۍ چهارشنبه او پنجشنبه د هېواد په ۲۷ ولایتونو کې سختې واورې او بارانونه وشول.
په تېرو څو اونیو کې د سړې هوا له امله په ټول هېواد کې تر ۱۶۰ زیات کسان مړه او شاوخوا ۸۰ زره څاروي تلف شوي دي.
