د ترکیې په استانبول کې د څلورو هېوادونو د بهرنیو چارو وزیرانو په یوه ګډه غونډه کې د سیمې د بېثباتۍ اصلي لامل د اسرائیل له لوري د فلسطین اشغال بللی دی.
د راپورونو له مخې چې دا غونډه پرون (جمعه) د ترکیې، پاکستان، سعودي عربستان او مصر بهرنیو چارو وزیرانو ترمنځ د ترکیې په استانبول کې شوې ده.
یادو هېوادونو د اسرائیلو له لوري د روان تاوتریخوالي د پایتهرسېدو غوښتنه کړې ده.
دوی همداراز له حوثیانو غوښتي چې د پوځي عملیاتو پر ځای خبرو ته کېني او د ایران او امریکا جګړې ته په اشارې یې مذاکرات د ترینګلتیاو د حل یوازینۍ لار بللې ده.
د یادولو ده چې په ترکیه کې دغو هېوادونو همداراز په خپلو منځونو کې یوه ګډه دفاعي هوکړه هم لاسلیک کړې ده.
دا په داسې حال کې ده چې له تېرو څو کلونو راهیسې پر غزې د اسرائیلو بریدونه پیل شوي چې له امله یې څه باندې ۷۰ زره فلسطینیانو ژوند بایللی او له ۱۷۰ زرو ډېر نور ټپيان شوي دي.
بلخوا د سعودي عربستان او یمن حوثیانو ترمنځ جګړې هم زور اخیستی او دواړو لوریو یو پر بل خونړي بریدونه کړي دي.
