نړیوالو رسنیو راپور ورکړی چې په وینزویلا کې ۷٫۲ او ۷٫۵ درجې دوې خونړۍ زلزلې شوې دي چې له امله یې ښايي له ۱۰ زرو څخه ۱۰۰ زرو کسانو ته مرګژوبله اوښتې وي.
د راپورونو له مخې چې دا زلزلې د وینزویلا په پلازمېنه «کاراس» کې شوې او یو ستر ناورین یې رامنځته کړی دی.
په ورته مهال د دغه هېواد چارواکو هلته بېړنی حالت اعلان کړی او له مرستندویه سازمانونو یې د لاسنیوي غوښتنه کړې ده.
که څه هم تر اوسه د دې زلزلې له امله د اوښتې مرګژوبلې په اړه دقیق څه نه دي ویل شوي، خو اټکل شوی چې ښايي مرګژوبله له ۱۰ زرو څخه ۱۰۰ زرو کسانو پورې وي.
په خپرو شویو ویډیوګانو کې د زلزلې له حالت ښکاري چې هلته خلک په تېښته دي او لسګونه ودانۍ د نړېدو په حال کې دي.
په لومړنیو راپورونو کې دا هم راغلي چې د یادو زلزلو د ټکانونو له امله سلګونه استوګنیزې ودانۍ نړېدلې دي.
وینزویلا یو له هغو هېوادونو څخه دی چې وخت ناوخت پکې دا ډول خونړۍ زلزلې کېږي او سلګونه کسانو ته مرګژوبله اړوي.
