سیمهییزو سرچینو تایید کړې، چې تېره سهشنبه د سلواغې ۲۵مه د سرپل په سانچارک ولسوالۍ کې یو سړي خپله کوژدنه او د هغې مور وژلي دي.
د سرپل د سرچینو له مخې، د صدرالدين په نامه دغه کس د سوزمه قلعه ولسوالۍ اوسېدونکى دى او دا قتل یې د چړې په وسیله کړی دی.
مسوولینو زياته كړې، چې دغه سړى له سيمې تښتېدلی او د نيولو هڅې يې پيل شوې دي.
هاخوا د لوګر سرچینې تاییدوي چې د دغه ولایت په برکي برک ولسوالۍ کې په مرموز ډول د وژلشوې مېرمنې مړی موندل شوی دی.
د سرچینې د معلوماتو له مخې، تر اوسه د دې ۲۵ کلنې مېرمنې د وژلکېدو لامل نه دی روښانه.
دا په داسې حال کې ده، چې په دې وروستيو مياشتو کې په هېواد کې د مرموزو وژنې پېښې د پام وړ زياتې شوې دي.
په روانه اونۍ کې په بامیانو کې د یو سړي پرېشوی جسد پيدا شوی او د خوست په تڼيو ولسوالۍ کې درې وروڼه د ناپېژانده وسلهوالو لخوا وژل شوي وو.
افغانستان کې ډېر ځله د ښځو د وژلکېدو لامل کلتوري مسایل او کورنۍ شخړې بلل کېږي.
