د افغانستان د نړیوال نندارتون مرکز مسوولانو د کرنې او مالدارۍ ۵ ورځني نړیوال نندارتون په وروستۍ ورځ ویلي، چې تېر یوه کال کې د افغانستان نړیوال نندارتون مرکز کې د شاوخوا یو میلیارد ډالرو په ارزښت ۵۰۰ هوکړې لاسلیک شوي.
د افغانستان د نړیوال نندارتون مرکز مشر محمد صابر لطیفي نن (یکشنبه، د زمري ۲۵مه) د کرنې او مالدارۍ ۵ ورځني نړیوال نندارتون په وروستۍ ورځ ویلي، چې دغه هوکړې د ۲۰ عمومي او تخصصي نندارتونونو د جوړېدو پرمهال د کرنې، روغتیا او ټکنالوژۍ په برخو کې د کورنیو او بهرنیو شرکتونو ترمنځ لاسلیک شوي.
لطیفي همداراز وویل، دغه نندارتونونه په هېواد کې د کورنیو تولیداتو د ملاتړ او د تولیدوونکو د ظرفیت لوړولو په موخه جوړ شوي.
د افغانستان د کرنې او مالدارۍ نړیوال نندارتون د روانې زمري میاشتې له ۲۰مې تر ۲۵مې پورې په کابل کې ترسره شو، په څهباندې ۱۰۰ عرفو کې یې د افغانستان او نورو هېوادونو کرنیز، مالدارۍ او صنعتي محصولات نندارې ته وړاندې شول.
