بادغیس کې د ا.ا مسوولینو راپور ورکړی، چې د دغه ولایت په بالامرغاب ولسوالۍ کې د سېلابونو له امله د درې ماشومانو او دوو ښځو په ګډون پنځه تنه مړه شوي دي.
ملي ټلویزیون د بادغیس کې د ا.ا په حواله راپور ورکړی، چې د دغه ولایت په بالامرغاب ولسوالۍ کې د سېلابونو له امله د درې ماشومانو او دوو ښځو په ګډون پنځه تنه مړه شوي دي.
له دې سره یاد ولایت په ولسوالیو کې د ویجاړونکو سېلابونو راپور هم ورکړی دی. دغه سېلابونو د خلکو کورونو، څارویو او کرنیزو ځمکو ته پراخ زیانونه اړولي دي.
باید وویل شي چې له څه باندې یوې میاشتې راهیسې د هېواد په بېلابېلو ولایتونو کې د ورښتونو له امله سلګونه تنه مړه شوي او ګن شمېر ځمکې او کورونه ویجاړ شوي دي.
دا په داسې حال کې ده، چې تېره ورځ د هواپېژندنې ادارې د هېواد په ۲۳ ولایتونو کې د سختو ورښتونو او سېلابونو راوتلو وړاندوینه کړې وه. دغه وړاندوینه د نورستان، کونړ، ننګرهار، لغمان، کاپیسا، پنجشېر، پروان، بغلان، سمنګان، بدخشان، کندز، تخار، سرپل، فریاب، غور، بادغیس، دایکندي، بامیان، غزني، میدان وردګ، لوګر او پکتیا ولایتونو لپاره شوې وه.
