د پاکستان ډان ورځپاڼې خبر ورکړی چې دا پېښې د پنجاب ایالت په «کهوتا» او د پاکستان تر کنترول لاندې کشمیر سره نږدې د ازاد پټان ښار په مربوطاتو کې شوې دي.
د راپورونو له مخې، لومړۍ پېښه په بلوچستان ایالت کې د شیعهګانو د یو بس د چپهکېدو له امله شوې چې په پایله کې یې یې ۱۲ تنه مړه او ۳۲ نور ټپیان شوي دي.
دویمه پېښه د پاکستان تر کنترول لاندې کشمیر کې د یو موټر د چپهکېدو له امله شوې. ویل کېږي، په دې موټر کې د شپږو ښځو او یو ماشوم په ګډون ۲۵ مسافر سپاره وو، چې له ډلې یې ۲۲ تنه مړه او یو تن سخت ټپي شوی دی.
د پاکستاني پولیسو په وینا ټپیان روغتون ته وړل شوي او په سیمه کې د ژغورنې ګډ عملیات پیل شوي دي.
تر دې مخکې هم په ایران کې د ورته ترافیکي پېښو له امله ۲۳ پاکستاني زیارتکوونکي مړه شوي وو.
