د جرمني د احصایې فدرالي دفتر نوي ارقام ښيي چې په تېر کال کې د افغانانو کډوالي ۴۱ سلنې ته راکمه شوې ده. په ورته وخت کې، جرمني ته د ټولو خالصو کډوالیو شمېر هم د تېر کال په پرتله نږدې نیمایي ته راټیټ شوی دی.
د جرمني د احصایې فدرالي دفتر اعلان کړی، چې تېر کال هېواد ته د خالص مهاجرت شمېر ۲۳۵ زره کسانو ته رسېدلی دی؛ دا شمېره د تېر کال د ۴۳۰ زره کسانو په پرتله ۴۵ سلنه کمښت ښيي.
د دې معلوماتو له مخې، په ټولیزه توګه شاوخوا ۱.۴۸ میلیونه کسان جرمني ته ننوتي، په داسې حال کې چې نږدې ۱.۲۵ میلیونه کسان له هېواده وتلي دي. په پایله کې، د راتلونکو کډوالو شمېر د تېر کال په پرتله ۱۳ سلنه کم شوی، او د هغو خلکو شمېر چې له جرمني څخه وتلي دي هم یو څه کم شوی دی.
شمېرې ښيي چې په دې موده کې جرمني ته د افغانانو خالصه کډوالي شاوخوا ۱۹ زره کسانو ته رسېدلی، چې د تېر کال په پرتله ۴۱ سلنه کموالی دی.
د کډوالو د اصلي هېوادونو لکه افغانستان، سوریه او اوکراین څخه د کډوالو په شمېر کې کمښت د دې رجحان یو لوی عامل بلل شوی دی. په ورته موده کې، له سوریې څخه خالصه کډوالي ۲۵ زره ته راټیټ شو، او له ترکیې څخه د کډوالو راتګ هم د پام وړ کم شو.
د اوکرایني کډوالو شمېر هم د تېر کال په پرتله جرمني ته د تللو په پرتله راټیټ شو، چې له دې هېواد څخه خالصه کډوالي ۹۶ زره ته ورسېد.
په وروستیو کلونو کې جرمني د افغان کډوالو لپاره یو له مهمو ځایونو څخه و. په هرصورت، نوي احصایې ښیې چې هېواد ته د کډوالو د ننوتلو لړۍ کم شوی دی. د کډوالو د شمیر د کمښت سربېره، د جرمني او اروپايي اتحادیې د غړو هېوادونو ترمنځ د کډوالي توازن هم منفي شوی، چې ډیر جرمني اتباع یې د سویس، اتریش او هسپانیې په څېر هېوادونو ته کډوالي کوي.
