نړیوالو رسنیو خبر ورکړی، چې ناسا( National Aeronautics and Space Administration) هغه څلور ستورمزلي اعلان کړي، چې د «ارټیمیس ۲» ماموریت په لړ کې به سپوږمۍ ته لاړ شي.
رویټرز خبري اژانس نن سهشنبه د وري ۱۵مه راپور ورکړی چې، چې ناسا د دوشنبې په ورځ (د اپرېل ۳مه) د سپوږمۍ په شاوخوا په یوه ماموریت کې لومړنۍ ښځه او لومړنۍ افریقایي الاصله امریکاي فضا ته لیږي.
د دې ماموریت لپاره معرفي شوې ډله څلور کسان لري او په دوی کې د لومړي ځل لپاره یوه ښځه او یو تور پوستی هم شامل دي.
٤٤ کلنه کریستینا کوک لومړنۍ ښځینه ستورمزلې ده او نوموړې ددې تر مخه د ترټولو اوږد فضا الوتنې ریکارډ درلود.
د دې څلور کسیز ټیم یو غړی ویکتور ګلور ۴۶ کلن دی او هغه به لومړنی تور پوستی وي چې سپوږمۍ ته د ناسا لخوا د ماموریت لپاره لیږل کیږي.
د راپورونو له مخې دا دوه کسان به د ناسا د دوو ستورمزلو «ریډ وایزمن او جیریمي هینسن» سره یوځای د راتلونکي کال په وروستیو کې یا د ۲۰۲۵ په پیل کې د سپوږمۍ شاوخوا ته ځي او د سپوږمۍ دننه ځمکې ته نه ځي او دا څلور کسيزه ډله به په راتلونکو دورو کې د يو شمېر نورو ستورمزلو د وتلو اسانتيا برابره کړي.
د دې خبر پرمهال، نیویارک ټایمز راپور ورکړی چې “دا د سفر بل ګام دی چې انسان به مریخ ته ورسوي، او دا عمله به هیڅکله هیر نکړي.”
