د پاکستان پوځي سرچینو د اورکزو په سیمه کې د سختې نښتې خبر ورکړی، چې په ترڅ کې یې نهه سرتېري او ۱۹ وسلهوال کسان وژل شوي دي.
د پاکستان پوځ نن(چهارشنبه، د تلې ۱۶مه) اعلان وکړ، چې دا عملیات تېره شپه ترسره شوي، چې په پایله کې یې دوه لوړ پوړي افسران او نهه سرتېري خپل ژوند له لاسه ورکړی دی. په ورته وخت کې، په دې نښتو کې ۱۹ وسلهوال کسان هم وژل شوي دي.
د پاکستان پوځ دا ډلې د هېواد د ملي امنیت لپاره یو جدي ګواښ بللی او دوی یې د بهرني ملاتړ ترلاسه کولو تورن کړي دي. امنیتي چارواکي ټینګار کوي چې د داسې ډلو سره مقابله به په سرحدي سیمو کې د ثبات او امنیت ساتلو لپاره دوام وکړي.
دا عملیات د امنیتي ځواکونو لخوا د وسلهوالو ډلو په وړاندې د پراخو اقداماتو د یوې برخې په توګه اعلان شوي دي.
باید وویل شي چې خیبر پښتونخوا په وروستیو کلونو کې د وسلهوالو ډلو د فعالیتونو ځای و او په مکرر ډول یې پراخ امنیتي عملیاتو شاهده وه.
د پاکستان حکومت او پوځ هڅه کوي چې د وسلهوالو ډلو او بهرنیو پراکسي فعالیتونو نفوذ محدود کړي. سیمهییز تاوتریخوالی او په سیمه کې ناڅاپي بریدونو د سرحدي ثبات او داخلي امنیت په اړه اندېښنې راپورته کړې دي.
د یادولو ده چې وروستي عملیات په سرحدي سیمو کې د بشپړ حکومت کنټرول بېرته راوستلو هڅو کې ده.
