Tuesday Oct 16, 2018

په بلوچستان کې د افغانانو پر ضد د پاکستان پوځیانو عملیات

نوشته شده توسط khaama - Sat Jan 13 2018, 8:07 am

پاکستاني پوځیانو په بلوچستان ولایت کې لږ تر لږه اته تنه افغان وګړي د عملیاتو په ترڅ کې نیولي دي.

د پاکستان پوځ له خوا په خپره شوې خبرپاڼه کې راغلي دي، چې د پاکستان پوځ اړوند ملېشې ځواکونو په بلوچستان کې د ځانګړو عملیاتو په ترڅ کې ۱۶ کسان د ۸ غیر قانوني افغان کډوالو په نیولي دي.

خبرپاڼه زیاتوي، چې دغه کسان د ځانګړو عملیاتو په ترڅ کې او د استخباراتي معلوماتو پر اساس نیول شوي خو په دې اړه نور جزئیات نه دي ورکړل شوي.

په همدې حال کې پاکستان پوځ ادعا کوي چې د دغو عملیاتو په ترڅ کې یو شمېر وسلې د راکټ اندازو په ګډون د امنیتي ځواکونو لاس ته ورغلي دي.

پاکستاني چارواکي وایي، د پاکستان په بلوچستان او له افغاستان سره د ډیورنډ کرښې په اوږدو کې د ترهګرو پر ضد پوځې عملیات روانې دي.

دا په داسې حال کې ده چې د پاکستان تحریک طالبان کابو یوه اوونی مخکې د بلوچستان په کوټه ښار کې د پاکستان امنیتي ځواونو پر یوه موټر ځانمرګي برید ترسره کړل چې به ترڅ کې لږ تر لږه اته کسان ووژل شول او یو شمېر نور ټپيان شوي وو.

خامه پرس پښتو | د افغانستان خبري آژانس را دنبال کنید با تویتر, فسبک. و آر اس اس

نظر دهید