خانهنړۍد امریکا منځمهاله ټاکنې؛ د میشیګان ایالت د سنا څوکۍ مسلمان «عبدال...

د امریکا منځمهاله ټاکنې؛ د میشیګان ایالت د سنا څوکۍ مسلمان «عبدال السید» وګټله

د امریکا په منځمهاله ټاکنو کې د ډیموکراټ مسلمان نوماند «عبدال السید» د میشیګان ایالت د سنا څوکۍ ګټلې او د امریکا په تاریخ کې لومړنی مسلمان سناتور شوی دی.

نوموړي خپل جمهوري‌پال سیال «مایک راجرز» ته ماتې ورکړې، او د میشیګان ایالت د سنا څوکۍ یې د ډیموکراتانو لپاره ساتلې ده.

د راپورونو له مخې چې «عبدال السید» د فلسطین او ایران پر وړاندې د جګړو سخت مخالف دی. نوموړي د خپلو پلویانو په غونډه کې ویلي چې د میشیګان ایالت د خلکو خدمت به کوي.  

هغه په خپلو خبرو کې همداراز ویلي چې جمهوري‌پالانو د ده د نوم او مذهبي باورونو په مطرح کولو سره د خلکو ترمنځ د تفرقې هڅه کوله، خو بیا هم د نوموړي په ناکامېدو نه دي توانېدلي. 

د امریکا ډیموکراټ ګوند د دغه هېواد په منځمهاله ټاکنو کې وتوانېد چې د ولسمشر، ډونالډ ټرمپ له ګوند «جمهوري‌پالو» څخه د سنا اکثریت څوکۍ وګټي او د دې مجلس کنټرول ترلاسه کړي.

د امریکایي رسنیو د راپورونو له مخې چې ډیموکراټانو حتا د ټکساس، سوېلي کارولاینا او اوهایو په ګډون هغو ایالتونو کې هم د سنا مجلس اکثریت څوکۍ ګټلې چې د جمهوري‌پالو پیاوړي مرکزونه ګڼل کېږي.

بلخوا د امریکا ولسمشر، ډونالډ ټرمپ د ډیموکراټانو دې بريا ته مبارکي ویلې او له دغه ګوند سره یې د همکارۍ لپاره چمتووالی ښودلی دی.

خامه پرس
خامه پرس
خامه پرس د يو معتبر خبري او تحليلي سرچينه ده، چې د ملي، سيمه‌ييزو او نړيوالو موضوعاتو په اړه راپورونه، مقالې او بې‌طرفه شننې خپروي. هغه مطالب چې د "خامه پرس" تر نوم لاندې خپريږي، د دې رسنۍ د خبري ټيم لخوا چمتو کيږي او د تازه پېښو، سياسي، ټولنيزو او کلتوري تحليلونو څخه عبارت دي. د خامه پرس هدف دا دی چې د خپلو نړيوالو لوستونکو لپاره دقيق، معتبر، بې‌طرف او تازه معلومات وړاندې کړي.
مقالات ذات صلة

پاسخ ترک

لطفا نظر خود را وارد کنید
لطفا نام خود را اینجا وارد کنید

- تجارتی اعلانونه -spot_img

نور خبرونه