خانهافغانستاند ا.ا روغتیا وزارت ۱۸ کسیز پلاوی اوزبیکستان ته تللی

د ا.ا روغتیا وزارت ۱۸ کسیز پلاوی اوزبیکستان ته تللی

د ا.ا عامې روغتیا وزارت وایي چې د دغه وزارت د روږدو درملنې عمومي برنامې رییس، انعام‌الله عمار له ۱۸ کسیز دولتي پلاوي سره اوزبیکستان ته سفر کړی دی.

د خبرپاڼې له مخې چې ياد پلاوی به د دغه سفر په ترڅ کې د دوحې پروسې په چوکاټ کې د خصوصي سکټور او نشه‌‌يي توکو پر وړاندې د مبارزې په اړه په دوه‌‌ورځني کنفرانس کې ګډون وکړي.

روغتیا وزارت لیکلي، دا کنفرانس په ترمذ ښار کې جوړېږي چې پکې به د نشه‌‌يي توکو پر وړاندې د مبارزې او اړوندو برخو په اړه د ګډونوالو ترمنځ خبرې او تجربې تبادله شي.

دا په داسې حال کې ده چې له تېرې څو کلونو راهیسې د افغانستان او اوزبیکستان ترمنځ اړیکې پراخې شوې او وخت ناوخت د دواړو هېوادونو لوړپوړو چارواکو متقابل سفرونه کړي دي. 

څه موده مخکې هم د اوزبیکستان یو سوداګریز پلاوی افغانستان ته راغلی و او دلته یې د اسلامي امارت له بېلابېلو چارواکو سره ناستې او بحثونه وکړل. 

د یادولو ده چې دغه هېواد همېشه د افغانستان له روغتیايي سکټور سره د همکاریو پراخېدو ډاډ ورکړی دی.

خامه پرس
خامه پرس
خامه پرس د يو معتبر خبري او تحليلي سرچينه ده، چې د ملي، سيمه‌ييزو او نړيوالو موضوعاتو په اړه راپورونه، مقالې او بې‌طرفه شننې خپروي. هغه مطالب چې د "خامه پرس" تر نوم لاندې خپريږي، د دې رسنۍ د خبري ټيم لخوا چمتو کيږي او د تازه پېښو، سياسي، ټولنيزو او کلتوري تحليلونو څخه عبارت دي. د خامه پرس هدف دا دی چې د خپلو نړيوالو لوستونکو لپاره دقيق، معتبر، بې‌طرف او تازه معلومات وړاندې کړي.
مقالات ذات صلة

پاسخ ترک

لطفا نظر خود را وارد کنید
لطفا نام خود را اینجا وارد کنید

- تجارتی اعلانونه -spot_img

نور خبرونه