په استانبول کې د ا.ا جنرال قونسل، محمد اکبر عظیمي د ترکیې په یو نړیوال سوداګریز نندارتون کې ګډون کړی، او همداراز یې له یو شمېر ترکي پانګوالو او سوداګرو سره هم کتلي دي.
په استانبول کې د اسلامي امارت جنرال قونسلګرۍ په اېکسپاڼه لیکل شوي چې عظیمي د دې کتنې پرمهال ترکي سوداګر او پانګوال په افغانستان کې پانګونې ته هڅولي دي.
د خبرپاڼې له مخې چې دا نړیوال سوداگریز نندارتون(MÜSİAD EXPO 2026) د ترکیې کسبگرو او سوداگرو خپلواکې ټولنې له لوري جوړ شوی و.
سرچینې لیکلي چې په دې نندارتون کې د ترکیې د صنعت او سوداگرۍ وزیر، د بېلابېلو سوداگریزو او صنعتي شرکتونو استازو، پانگوالو او یوشمېر ډیپلوماټانو گډون کړی و.
د اسلامي امارت د جنرال قونسلګرۍ د خبرپاڼې له مخې چې محمد اکبر عظیمي په یاد نندارتون کې د ګډون پرمهال له ترکي سوداګرو سره کتلي او په افغانستان کې یې د پانګونې د فرصتونو په اړه معلومات ورکړي دي.
نوموړي همداراز له ترکي سوداګرو او پانګوالو غوښتي چې په افغانستان کې پانګونه وکړي.
د یادولو ده چې په وروستیو کې یو شمېر ترکي سوداګرو هم په افغانستان کې پانګونې ته لېوالتیا ښودلې ده.
