د ایران وسلهوال پوځ خبرداری ورکړی چې که پر دوی هر ډول برید وشي، په ځواب کې به یې نوې ټیکنالوژۍ وکاروي او غبرګون به یې څو چنده خطرناک وي.
د دغه پوځ یو ویاند ویلي چې اوسمهال د ایران بېپیلوټه الوتکو او توغندیو نور پرمختګ هم کړی، او د دغه هېواد ځواکونه د هر ډول برید پر وړاندې چمتو دي.
د ایراني رسنیو د راپورونو له مخې چې هرمز تنګی لا هم د دوی له لوري تړل شوی، او د امریکا له لوري د دوی د شرطونو له منلو مخکې به یې ونه پرانیزي.
دا په داسې حال کې ده چې د امریکا ولسمشر ډونالډ ټرمپ غواړي یو وار بیا پر ایران د بریدونو بله څپه پیل کړي.
د امریکایي رسنیو د راپورونو له مخې چې ټرمپ غواړي پر ایران دا بریدونه د سیمې د ځینو هېوادونو په ملتیا پیل کړي.
خو د ایران د پارلمان مشر، محمد باقر قالیباف او بهرنیو چارو وزیر، عباس عراقچي بیا ټینګار کړی چې دوی به تر هغو پورې د هر ډول جګړې پر وړاندې چمتو وي، تر څو چې د دوی شرطونه د امریکا له لوري منل شوي نه وي.
