د جرمني رسنیو راپور ورکړی چې د دغه هېواد حکومت د ۴۸۸ هغو افغان کډوالو د ایستلو اراده لري چې تر نیمايي ډېر یې په کوم جرم هم تورن نه دي.
د راپورونو له مخې چې د جرمني حکومت د دغه هېواد پولیسو ته ۴۸۸ افغانان د ایستلو لپاره ورپېژندلي دي.
ویل کېږي چې په دغو ایستلکېدونکو افغان کډوالو کې نږدې ۲۷۰ یې هېڅ جرمني سابقه هم نه لري او نه په کوم جرم تورن دي.
دا چې جرمني حکومت ولې دا اقدام کړی، تر اوسه په دې اړه جزییات نه دي رسنیز شوي.
په راپورونو کې راغلي چې دا افغان کډوال د حکومت لخوا د جولای له ۸مې د سپتمبر تر ۱۸مې پورې د دغه پولیسو ته د ایستلو لپاره ورپېژندل شوي دي.
تر اوسه دا هم نه ده روښانه شوې چې په دې ډله افغانانو کې څومره کوم څوک راایستل شوي که نه.
جرمني یو له هغو اروپایي هېوادونو څخه دی چې په دې وروستیو کې یې سلګونه افغانان افغانستان ته رالېږلي دي.
د دغه هېواد حکومت ویلي وو چې دوی به یوازې هغه افغانان بېرته خپل هېواد ته لېږي چې جرمي سابقه ولري او کوم جرم یې ترسره کړی وي.
