امریکایي رسنیو په یونان کې د هغې چاودنې خبر ورکړی چې له امله یې څلور امریکايي وګړي وژل شوي دي.
په راپورونو کې د امریکا بهرنیو چارو وزارت په حواله ویل شوي چې د دې چاودنې له امله ټول شپږ کسان وژل شوي چې څلور یې امریکایي وګړي دي.
د راپورونو له مخې چې دا پېښه د ګازو ډبې چاودنې له امله شوې، او یو شمېر کسان پکې ټپيان شوي هم دي.
تر اوسه د دې چاودنې دقیق لامل نه دی په ډاګه شوی.
د ګازو ډبې چاودنې پېښې د نړۍ په ډېرو هېوادونو کې کېږي چې وخت ناوخت لسګونه کسانو ته د مرګژوبلې اوښتو لامل هم کېږي.
د یادولو ده چې د ګازي ډبې چاودنې پېښې په ډېرو مواردو کې خطرناکې تمامېږي.
د دې ترڅنګ د ګازو له امله رامنځته شوې چاودنې تر ډېره په کانونو کې هم پېښېږي چې وخت ناوخت یې له امله لسګونه کسانو ته مرګژوبله اوړي.
