خانهافغانستان"افغانستان ته ستانه شوي کډوال له جدي ستونزو سره مخ دي"

“افغانستان ته ستانه شوي کډوال له جدي ستونزو سره مخ دي”

د ناروې د کډوالو شورا مشر «یان ایګلنډ» له پاکستان او ایران څخه افغانستان ته د جبري لېږل‌شویو پر وضعیت اندېښنه ښودلې او ویلي یې دي چې راستانه شوي له جدي ستونزو سره لاس او ګریوان دي.

نوموړي په خپله اېکس‌پاڼه لیکلي چې افغانستان ته د سفر پرمهال یې له هغو کورنیو سره لیدلي چې له پاکستان څخه په جبري توګه افغانستان ته لېږل شوي دي. 

د یان ایګلنډ په وینا چې په دوی کې ډېر افغان کډوال له امکاناتو او شتمنیو پرته هېواد ته ستانه شوي دي. 

د ناروې د کډوالو شورا مشر همداراز د ناټو پر غړو هېوادونو نیوکه کړې چې له افغانستان څخه د وتلو پرمهال یې د دغه هېواد وګړي هېر کړي، او خپلې ژمنې یې نه دي عملي کړي.

هغه همداراز ویلي چې د افغانستان له خلکو سره د نړۍ بشري مرستو او بودیجې کمښت د افغانانو ژوند له ستونزو سره مخ کړی دی.

تر دې مخکې یو شمېر نورو نړیوالو بنسټونو هم په افغانستان کې د ځوانانو پر روان وضعیت اندېښنې څرګندې کړې او د بېوزلۍ د کمولو لپاره یې د نړیوالو د لاسنیوي غوښتنې کړې دي.

خامه پرس
خامه پرس
خامه پرس د يو معتبر خبري او تحليلي سرچينه ده، چې د ملي، سيمه‌ييزو او نړيوالو موضوعاتو په اړه راپورونه، مقالې او بې‌طرفه شننې خپروي. هغه مطالب چې د "خامه پرس" تر نوم لاندې خپريږي، د دې رسنۍ د خبري ټيم لخوا چمتو کيږي او د تازه پېښو، سياسي، ټولنيزو او کلتوري تحليلونو څخه عبارت دي. د خامه پرس هدف دا دی چې د خپلو نړيوالو لوستونکو لپاره دقيق، معتبر، بې‌طرف او تازه معلومات وړاندې کړي.
مقالات ذات صلة

پاسخ ترک

لطفا نظر خود را وارد کنید
لطفا نام خود را اینجا وارد کنید

- تجارتی اعلانونه -spot_img

نور خبرونه