د ملګرو ملتونو سرمنشي، انتونیو ګوتریش د نن (چهارشنبه، سپټمبر ۹مه) له بریدونو څخه د پوهنې د ساتنې نړیوالې ورځې په مناسبت ویلي چې په نړۍ کې له تېرو دوو کلونو راهیسې پر ښوونیزو بنسټونو له ۸ زره ۵۰۰ ډېر بریدونه شوي دي.
ګوتریش ویلي چې په دغو بریدونو سره ښوونځي، زدهکوونکي او ښوونکي په نښه شوي او مرګژوبله یې اړولې ده.
د ملګرو ملتونو سرمنشي همداراز ټینګار کړی چې په جګړه کې ښکېل اړخونه باید نړیوال قوانین مراعات او پر ښوونیزو بنسټونو د بریدونو مخه ونیسي.
نوموړي همداراز اندېښنه څرګنده کړې چې له تېرو دوو کلونو راهیسې د زدهکوونکو او ښوونکو د تښتونې او رواني ستونزو بېلګې هم زیاتې شوې دي.
افغانستان کې هم یو له هغو هېوادونو څخه دی چې له تېر یو کال راهیسې پکې د پاکستان په بریدونو سره ډېر ښوونځي او مدرسې په نښه او ویجاړ شوي دي.
د ملګرو ملتونو سرمنشي همداراز مخکې په نړۍ کې د جګړې له ښېکلو خواوو غوښتي وو چې پر ښوونیزو بنسټونو باید بریدونه ونشي او د دغو بریدونو عاملین ونیسي.


