د امریکا د پوځ مرکزي قوماندانۍ (سنتکام) پر ایران د تازه بریدونو خبر ورکړی او ویلي یې دي چې پوځي اهداف یې ویشتلي. بلخوا تهران د دغو بریدونو په تایید ویلي چې امریکا ته به «دردناک» ځواب ورکړي.
د راپورونو له مخې چې د امریکا له تازه بریدونو وروسته د ایران په چابهار، بندر عباس، قشم ټاپو، کنارک، جاسک، سیریک او میناب کې د چاودنو اوازونه اورېدل شوي دي.
په ورته مهال تهران خبرداری ورکړی چې د ځوابي بریدونو لپاره تدابیر نیول شوي او ایران به دا ځل امریکا ته تر ټولو «دردناک» ځواب ورکوي.
د ایران پوځ ویلي چې د امریکا پر وړاندې د سختو بریدونو ته چمتووالی نیول شوی، او امریکا به پر دغو بریدونو سخته پښېمانه کړي.
تر دې مخکې د ایران د پارلمان مشر، محمد باقر قالیباف ویلي وو چې که امریکا د ایران پر وړاندې سمندري محاصره دوامداره وساتي، دوی به یې پر وړاندې پوځي اقدام وکړي.
بلخوا ځینې سیاسي کارپوهانو د امریکا او ایران ترمنځ تازه نښتې پراخېدونکې بللې او اندېښنه څرګنده شوې چې دا ځل ښایي جګړه تر پخوا څو چنده پراخه او ویجاړوونکې وي.
