خانهافغانستانګوتریش او «امام علي رحمان» د افغانستان پر وضعیت غږېدلي

ګوتریش او «امام علي رحمان» د افغانستان پر وضعیت غږېدلي

د ملګرو ملتونو سرمنشي «انتونیو ګوتریش» د تاجکستان له ولسمشر، امام علي رحمان سره په کتنه کې پر بېلابېلو موضوعاتو خبرې کړې دي. 

د ګوتریش ویاند، سټیفن دوجاریک ویلي چې په دې کتنه کې دواړو لوریو همداراز د افغانستان په اړه هم خبرې کړې دي.  

د دې کتنې پرمهال همداراز د سیمې پر وضعیت او د ملګرو ملتونو او تاجیکستان پر همکاریو خبرې شوې دي. 

د ملګرو ملتونو سرمنشي د اوبو او طبیعي کنګلونو د نړیوالې اجنډا په برخه کې د تاجیکستان د دوامدارې همکارۍ مننه کړې او په دې برخه کې یې د ولسمشر امام علي رحمان د رهبرۍ هرکلی کړی دی.

د تاجکستان ولسمشر، امام علي رحمان تر دې مخکې هم د نړۍ د بېلابېلو هېوادونو د مشرانو په ګډون د ملګرو ملتونو له استازو سره په کتنه کې د افغانستان پر وضعیت خبرې کړې وې. 

د یادولو ده چې په وروستیو کې د اسلامي امارت او تاجکستان ترمنځ هم اړیکې مخ پر پراخېدو روانې دي، خو اسلامي امارت له روسیې پرته تر اوسه د نړۍ هېڅ بل هېواد په رسمیت نه دی پېژندلی. 

همداراز په ملګرو ملتونو کې هم د افغانستان استازی د مخکني جمهوري نظام استازی دی.

خامه پرس
خامه پرس
خامه پرس د يو معتبر خبري او تحليلي سرچينه ده، چې د ملي، سيمه‌ييزو او نړيوالو موضوعاتو په اړه راپورونه، مقالې او بې‌طرفه شننې خپروي. هغه مطالب چې د "خامه پرس" تر نوم لاندې خپريږي، د دې رسنۍ د خبري ټيم لخوا چمتو کيږي او د تازه پېښو، سياسي، ټولنيزو او کلتوري تحليلونو څخه عبارت دي. د خامه پرس هدف دا دی چې د خپلو نړيوالو لوستونکو لپاره دقيق، معتبر، بې‌طرف او تازه معلومات وړاندې کړي.
مقالات ذات صلة

پاسخ ترک

لطفا نظر خود را وارد کنید
لطفا نام خود را اینجا وارد کنید

- تجارتی اعلانونه -spot_img

نور خبرونه