د لوګر مسوولینو د دغه ولایت په مرکز کې د ترافیکي پېښې له امله د دریو کسانو د مړینې او دریو نورو له ټپيکېدو خبر ورکړی دی.
د اسلامي امارت باختر اژانس د لوګر امنیې قوماندانۍ د مسوولینو په حواله ویلي چې دا پېښه د لوګر مرکز اړوند په «ګمبزي» سیمه کې شوې او لامل یې د چلوونکي بېاحتیاطي بلل شوې ده.
د مسوولینو په وینا چې د دې پېښې له امله قربانیان د یوې کورنۍ غړي دي چې یوه ښځه هم پکې شامله ده.
په راپور کې راغلي چې ټپیان د امنیتي کسانو له لوري روغتون ته لېږدول شوي دي.
له تېرو څو کلونو راهیسې په هېواد کې ترافیکي پېښې په بېسارې توګه زیاتې شوې چې ستر لاملونه یې د چلوونکو بېاحتیاطي، خراب سړکونه، ګړندی تګ او د ترافیکي اصولو نهمراعاتول بلل کېږي.
بلخوا اسلامي امارت بار بار له چلوونکو غوښتي چې د هر ډول سفر پرمهال احتیاط او د مسافرو ژوند ته پام وکړي.
د یادولو ده چې په هېواد کې د ترافیکي پېښو له امله وخت ناوخت د نارینهوو په ګډون ښځې او ماشوم هم ژوند بایلي.
څه موده مخکې د اسلامي امارت ترانسپورت او هوایي چلند وزارت د ترافیکي پېښو د مخنیوي په موخه په لویو مسافروړونکو کې د زرګونه جيپياېس الو له نصبېدو خبر ورکړی و.
