خانهنړۍخیبر پښتونخوا کې د ترافیکي پېښې له امله څلور کسان مړه شوي 

خیبر پښتونخوا کې د ترافیکي پېښې له امله څلور کسان مړه شوي 

پاکستاني رسنیو خبر ورکړی چې د خیبر پښتونخوا په ایبټ‌اباد کې ژورې کندې ته د مسافروړونکي بس د غورځېدو له امله څلور کسان مړه او ۱۰ نور ټپيان شوي دي. 

د راپورونو له مخې چې دا پېښه پرون (سه‌شنبه) له غرمې وروسته د کلکوټ په لاره شوې او په قربانیانو کې درې ښځې شاملې دي.

پاکستاني رسنیو لیکلي چې دا بس له «چوبګران» سیمې څخه راولپنډۍ ته روان و چې له سړکه وتلی او یوې ژورې کندې ته غورځېدلی دی.

ویل کېږي چې د دې پېښې له امله ټپي شوي کسان د راولپنډۍ او مري روغتونونو ته لېږدول شوي، خو د بس موټر چلوونکی له پېښې وروسته تښتېدلی دی. 

په ورته مهال پاکستاني چارواکو د دې پېښې د څېړلو امر کړی او د تښتېدلي کس د نیولو لټون پیل شوی دی. 

خیبر پښتونخوا کې تر دې مخکې هم ورته خونړۍ ترافیکي پېښې شوې چې له امله یې لسګونه کسان مړه او لسګونه نور ټپيان شوي دي. 

د یادولو ده چې ترافیکي پېښې په اسیايي هېوادونو کې ډېرې کېږي او وخت ناوخت خونړۍ تمامېږي.

خامه پرس
خامه پرس
خامه پرس د يو معتبر خبري او تحليلي سرچينه ده، چې د ملي، سيمه‌ييزو او نړيوالو موضوعاتو په اړه راپورونه، مقالې او بې‌طرفه شننې خپروي. هغه مطالب چې د "خامه پرس" تر نوم لاندې خپريږي، د دې رسنۍ د خبري ټيم لخوا چمتو کيږي او د تازه پېښو، سياسي، ټولنيزو او کلتوري تحليلونو څخه عبارت دي. د خامه پرس هدف دا دی چې د خپلو نړيوالو لوستونکو لپاره دقيق، معتبر، بې‌طرف او تازه معلومات وړاندې کړي.
مقالات ذات صلة

پاسخ ترک

لطفا نظر خود را وارد کنید
لطفا نام خود را اینجا وارد کنید

- تجارتی اعلانونه -spot_img

نور خبرونه