د امریکا ولسمشر، ډونالډ ټرمپ یو وار بیا ټینګار کړی چې تهران باید هېڅکله اټومي وسلو ته لاسرسی ونه لري، او دا یې د واشنګټن یو ستر هدف بللی دی.
ټرمپ ویلي چې تهران ښایي له امریکا سره یوې هوکړې ته ورسېږي، خو ټینګار یې کړی چې واشنګټن داسې هوکړه غواړي چې امکان ولري، د تهران لپاره د منلو نه وي.
د امریکا ولسمشر همداراز ویلي چې که ایران اټومي وسلو ته لاسرسی غواړي، نو دا به ډېر وخت ته اړتیا ولري.
ټرمپ تر دې مخکې هم په دا ډول خبرو ټینګار کړی، او خبرداری یې ورکړی چې که د واشنګټن غوښتنې ونه منل شي، پر ایران به پراخ بریدونه پيل شي.
تر دې مخکې د امریکا ولسمشر، ډونالډ ټرمپ عمان ته خبرداری ورکړی و چې که له ایران سره د هرمز تنګي پر سر ناوړه هوکړه وکړي، له سختو هوایي بریدونو سره به مخ شي.
ټرمپ ویلي چې عمان نباید له ایران سره د هرمز تنګي پر سر د امریکا د خوښې خلاف مذاکرات ولري.
دا په داسې حال کې ده چې له تېرو څو ورځو راهیسې د ایران او عمان ترمنځ د هرمز تنګي پر سر بحثونه پیل شوي دي.


