خانهافغانستاند بشري مرستو نږدې ۷۳۰ لارۍ د تورخم له لارې هېواد ته...

د بشري مرستو نږدې ۷۳۰ لارۍ د تورخم له لارې هېواد ته راولېږدول شوې 

په پاکستان کې د ملګرو ملتونو استازو ویلي چې تازه یې د بشري مرستو ۷۲۴ لارۍ موټرو له تورخم څخه د تېرېدو اجازه ترلاسه کړې، او افغانستان ته دننه شوې دي.  

په پاکستان کې د ملګرو ملتونو د بشري چارو همغږي‌کوونکي «محمد یحیی» ویلي چې پاکستان هغه سلګونه لارۍ افغانستان ته پرېښې دي چې د ملګرو ملتونو بشري مرستې پکې بار وې. 

نوموړي ویلي چې دا مرستې به افغانستان کې پر بېوزلو کسانو ووېشل شي. 

بلخوا اسلامي امارت د تورخم له لارې افغانستان ته د دغو لارۍ موټرو د راتګ په اړه څه نه دي ویلي. 

د افغانستان او پاکستان ترمنځ د هر ډول سوداګریزو لارو پر تړل‌کېدو ډېر میاشتې ووتې او لا هم هر ډول لارې تړلې دي. خو څه موده مخکې هم د تورخم له لارې د بشري مرستو موټرو ته اجازه ورکړل شوې وه. 

د یادولو ده چې وړمه ورځ هم د افغانستان او پاکستان ځینو سوداګرو د تورخم لارې د پرانیستل‌کېدو لپاره ګډه ناسته کړې وه. 

بلخوا یو شمېر عام هېوادوال او سوداګر بیا له اسلامي امارت غواړي چې له پاکستان سره هر ډول سوداګریزه لارې تړلې وساتي.

خامه پرس
خامه پرس
خامه پرس د يو معتبر خبري او تحليلي سرچينه ده، چې د ملي، سيمه‌ييزو او نړيوالو موضوعاتو په اړه راپورونه، مقالې او بې‌طرفه شننې خپروي. هغه مطالب چې د "خامه پرس" تر نوم لاندې خپريږي، د دې رسنۍ د خبري ټيم لخوا چمتو کيږي او د تازه پېښو، سياسي، ټولنيزو او کلتوري تحليلونو څخه عبارت دي. د خامه پرس هدف دا دی چې د خپلو نړيوالو لوستونکو لپاره دقيق، معتبر، بې‌طرف او تازه معلومات وړاندې کړي.
مقالات ذات صلة

پاسخ ترک

لطفا نظر خود را وارد کنید
لطفا نام خود را اینجا وارد کنید

- تجارتی اعلانونه -spot_img

نور خبرونه