په هېواد کې له نېټې تېر او بېکیفیته درمل او خوراکي توکو د پلورلکېدو په اړه د هېوادوالو د اندېښنو په دوام، عامې روغتیا وزارت ویلي چې په ننګرهار کې دوه ټنه له نېټې تېر درمل راټول شوي دي.
د دغه وزارت په اېکسپاڼه لیکل شوي چې دا درمل د ننګرهار عامې روغتیا ریاست د څارنې او پلټنې مسوولینو له لوري د جلالاباد ښار دویمې ناحیې اړوند سيمو کې د درملو عمده پلورنځیو څخه څارنې پرمهال راټول شوي دي.
د خبرپاڼې له مخې چې راټولشوي له نېټې تېر او بېکیفیته درمل د له منځهوړلو لپاره ټاکلشوي ځای ته لېږدول شوي دي.
دا په داسې حال کې ده چې لا هم هېوادوال په بازارونو او درملتونونو کې د تاریختېر/ بېکیفیته درمل او خوراکي توکو له پلورلکېدو شکایت کوي او له اسلامي امارت غواړي چې دې برخې ته لا جدي توجه وکړي.
دوی وایي چې ځینې درمل پلورونکي د درملو د نهشتون له وجې په خلکو له نېټې تېر توکي پلوري، په داسې حال کې چې ډېری هېوادوال د درملو په نېټه نه پوهېږي.
همداراز ځینې هېوادوال بیا په بازارونو کې، په ځانګړې توګه د لویو لارو پر سر جوړو پلورونځیو کې د تاریختېره توکو له پلورلکېدو شکایت کوي او د دې کار د جدي مخنیوي غوښتنه کوي.


