خانهافغانستاند هېواد په یو شمېر ولایتونو کې د درنو بارانونو او قوي...

د هېواد په یو شمېر ولایتونو کې د درنو بارانونو او قوي بادونو خبرداری ورکړل شوی

د ترانسپورت او هوايي چلند وزارت د هېواد په یو شمېر ولایتونو کې د نسبتا درنو بارانونو، تندرونو، قوي بادونو او دوړو د احتمال اعلان کړی او د دې هوا حالت د احتمالي پایلو په اړه یې خبرداری ورکړی دی.

د دغه وزارت په وینا، د نورستان، کونړ، ننګرهار، پکتیا او خوست ولایتونه به د تندرونو سره یوځای باران سره مخ شي. د دې ولایتونو په بېلابېلو برخو کې د باران اندازه د ۱۰ څخه تر ۲۰ ملی مترو پورې تمه کیږي.

د هېواد په مرکزي، سویل ختیځ، سویلي او لوېدیځو سیمو کې د قوي بادونو سره یوځای د دوړو امکان هم شتون لري. تمه کیږي چې د دې بادونو سرعت په ځینو سیمو کې په ساعت کې د ۵۰ څخه تر ۱۰۰ کیلومترو پورې وي.

د ترانسپورت او هوايي چلند وزارت له خلکو څخه غوښتي دي چې د ناوړه هوا شرایطو په جریان کې احتیاطي تدابیر ونیسي او په هغو ځایونو کې له پاتې کېدو څخه ډډه وکړي چې د زیان مننې ګواښ پکې زیات وي.

افغانستان په دوامداره توګه د ګرمو موسمونو په جریان کې د هوا له ناڅاپي بدلونونو لکه د درنو بارانونو، احتمالي سېلابونو، دوړو توپانونو او قوي بادونو سره مخ کیږي. د هېواد د هوا پېژندنې ادارې خبرداری ورکوي ترڅو خلکو ته خبر ورکړي او د طبیعي پېښو خطرونه کم کړي.

مقالات ذات صلة

پاسخ ترک

لطفا نظر خود را وارد کنید
لطفا نام خود را اینجا وارد کنید

- تجارتی اعلانونه -spot_img

نور خبرونه