د امریکا مرکزي قوماندانۍ (سنټکام) په عراق کې د خپل یو عسکر د وژلکېدو او یو بل له ټپيکېدو خبر ورکړی دی.
سنټکام ویلي چې دا امریکايي عسکر وړمه ورځ (جولای ۱۸مه) د ناچاوده توکو د شنډولو پرمهال وژل شوی، او یو بل عسکر ټپي شوی هم دی.
د امریکا مرکزي قوماندانۍ همداراز ویلي چې له دې پېښې یوه ورځ مخکې (جولای ۱۷مه) په اردن کې د ایران د بریدونو له امله دوه امریکایي پوځیان وژل شوي وو.
سرچینې د وژلشویو عسکرو هویت نه دی په ډاګه کړی او ټینګار یې کړی چې د وژلشویو عسکرو کورنیو ته به په رسمي ډول خبر ورکول کېږي.
دا په داسې حال کې ده چې له تېرو نهو ورځو راهیسې د ایران او امریکا ترمنځ کړکېچ بیا پیل شوی او دواړو هېوادونو یو د بل پر تاسیساتو پراخ بریدونه پیل کړي دي.
د امریکا مرکزي قوماندانۍ تر دې مخکې ویلي وو چې له ایران سره د بیاځلي جګړې له پيل راهیسې تر دې دمه یې شاوخوا ۴۵۰ پوځیان ټپيان شوي دي.
بلخوا ایراني چارواکو بیا ویلي چې په منځني ختیځ کې پر امریکایي اډو د ایران د بریدونو له امله لسګونه امریکايي پوځیان وژل شوي دي.


