نړیوالو رسنیو په اسپانیا کې د پراخې اورلګېدنې له امله د ۱۲ کسانو د مړینې او ۲۳ نورو له لادرکهکېدو خبر ورکړی دی.
د راپورونو له مخې چې دا اورلګېدنه د دغه هېواد «المریا» ولایت په «لوس ګایاردوس» کې رامنځته شوې چې له امله یې ۸ کسان ټپیان شوي هم دي.
په راپورونو کې د دې اورلګېدنې د پراخېدو خبرداری هم ورکړ شوی او د ټپيانو روغتیايي حالت نازک بلل شوی دی.
ویل کېږي چې د دې اورلګېدنې له امله تر ډېره د برېتانیا او بلژیک اوسېدونکو په ګډون بهرنیو وګړو ته مرګژوبله اوښتې ده.
په ورته مهال د دغه هېواد چارواکو د اورلګېدنې پر مخنیوي ټینګار کړی او اور وژونکي ټیمونه یې ګومارلي دي.
ویل کېږي چې هلته لنډمهاله چټک بادونه د اور د پراخېدو لامل شوي او اټکل کېږي چې هلته ښايي مرګژوبله زیاته شي.
د یادولو ده چې له تېرو څو کلونو راهیسې د نړۍ په بېلابېلو هېوادونو کې ځنګلي اورلګېدنې زیاتې شوې چې ستر لاملونه یې اقلیمي بدلون او د هوا تودوخه بلل کېږي.
څو ورځې مخکې په امریکا کې د خونړیو ځنګلي اورلګېدنې له امله لسګونه کسانو ته مرګژوبله اوښتې وه.


