خانهنړۍبلوچستان کې خونړۍ ترافیکي پېښه؛ د ۴۰ کسانو مړینه تایید شوې 

بلوچستان کې خونړۍ ترافیکي پېښه؛ د ۴۰ کسانو مړینه تایید شوې 

نړیوالو رسنیو راپور ورکړی چې په بلوچستان کې د یو بس موټر چپه‌کېدو له امله ۴۰ کسان مړه او ۸ نور ټپيان شوي دي. 

د اسوشیټډ پریس په راپور کې ویل شوي چې دا پېښه د بلوچستان او خیبر پښتونخوا ترمنځ په «دانا سر» سیمه کې شوې او یاد موټر یوې ژورې کندې ته غورځېدلی دی.   

د راپورونو له مخې، د دې خونړۍ پېښې لامل د موټرچلوونکي بې‌احتیاطي بلل شوې او ویل شوي چې په دې بس موټر کې تر خپل ټاکلي ظرفیت زیات کسان لېږدول کېدل. 

تر دې مخکې هم په بلوچستان او د خیبر پښتونخوا په بېلابېلو سیمو کې د ورته خونړیو ترافیکي پېښو له امله لسګونه کسانو ته مرګ‌ژوبله اوښتې وه. 

د یادولو ده چې له تېرو څو کلونو راهیسې په افغانستان کې هم خونړۍ ترافیکي پېښې په بې‌سارې توګه زیاتې شوې چې ستر لاملونه یې د چلوونکو بې‌احتیاطي، خراب سړکونه ګړندی تګ او د ترافیکي اصولو نه‌مراعاتول بلل کېږي.  

په لویو لارو او غرنیو سیمو کې د بس موټرونو د چپه‌کېدو یا ټکر پېښې وخت ناوخت د زیاتې مرګ‌ژوبلې لامل کېږي.

بلخوا حکومتي مسوولین بار بار له چلوونکو غواړي چې د هر ډول سفر پرمهال احتیاط او د مسافرو ژوند ته پام وکړي.

خامه پرس
خامه پرس
خامه پرس د يو معتبر خبري او تحليلي سرچينه ده، چې د ملي، سيمه‌ييزو او نړيوالو موضوعاتو په اړه راپورونه، مقالې او بې‌طرفه شننې خپروي. هغه مطالب چې د "خامه پرس" تر نوم لاندې خپريږي، د دې رسنۍ د خبري ټيم لخوا چمتو کيږي او د تازه پېښو، سياسي، ټولنيزو او کلتوري تحليلونو څخه عبارت دي. د خامه پرس هدف دا دی چې د خپلو نړيوالو لوستونکو لپاره دقيق، معتبر، بې‌طرف او تازه معلومات وړاندې کړي.
مقالات ذات صلة

پاسخ ترک

لطفا نظر خود را وارد کنید
لطفا نام خود را اینجا وارد کنید

- تجارتی اعلانونه -spot_img

نور خبرونه