د تهران – واشنګټن له الکترونیکي هوکړې وروسته په سویس کې د لوړپوړو امریکايي او ایراني پلاوو ترمنځ د مذاکراتو لومړی پړاو له ترینګلتیاوو سره سره پایته رسېدلی دی.
د راپورونو له مخې چې د خبرو دا پړاو د امریکا له لوري د ګواښونو په ډکه فضا کې پیل او له ترینګلتیاوو په ډکه فضا کې پایته رسېدلي دي.
د دغو مذاکراتو له پیل سره سم د امریکا ولسمشر، ډونالډ ټرمپ خبرداری ورکړ چې که هرمز تنګی تړلی وي، د ایران مذاکراتي پلاوي به خپل هېواد ته په بېرته تګ ونه توانېږي.
د ټرمپ دې خبرداري د ایراني چارواکو غوسه راوپاروله او د څو ساعتونو لپاره یې د مذاکراتو ځای پرېښود.
خو بلخوا قطر او پاکستان په یوه ګډه اعلامیه کې د امریکا او ایران ترمنځ د لوړې کچې خبرو اترو لومړی پړاو مثبت او رغنده بللی او د پایته رسېدو اعلان یې کړی دی.
په دې اعلامیه کې راغلي چې دواړو خواوو د خبرو اترو د څارنې لپاره په لوړه کچه د کمېټې جوړولو هوکړه کړې او ویلي یې دي چې د ۶۰ ورځو دننه یوې وروستۍ هوکړې ته د رسیدو لپاره یوه لاره نقشه جوړه کړي.
په دې مذاکراتو کې دا یادونه هم شوې چې تخنیکي خبرې اترې به د اټومي مسلو، بندیزونو او د شخړو د حل په اړه هم دوام ومومي.
