چین کې د “NEO” په نامه د نړۍ لومړی سوداګریز دماغ چپ د عامه استعمال لپاره تصویب شو. دا چپ په اصل کې د هغو ناروغانو لپاره ډیزاین شوی و چې د نخاعي رګونو ټپونو او فلج سره مخ دي. دغو ناروغانو سره مرسته کوي چې په خپلو بدنونو ښه کنټرول ترلاسه کړي.
د سکې په اندازه چپ لومړنی وسیله ده چې د انسانانو ازموینې یې تېرې کړې او ډېر ژر به په ډلهییز تولید کې داخل شي.
دا وسیله د کوپړۍ او دماغ ترمنځ ځای پر ځای شوې او د دماغ نسج ته ژور ننوتلو پرته کار کوي، چې دا د خپل ډول یو پرمختګ دی.
دا پرمختګ د چین لپاره یوه لویه لاسته راوړنه ده، ځکه چې دا د ایلون مسک نیورالنک ماتوي. د ماسک چپ لاهم په انسانانو ازموینو کې دی او اړتیا لري چې دماغ ته ژور ننوځي.
متخصصین وايي چې دا ټیکنالوژي کولی شي د عصبي ستونزو سره د ملیونونو خلکو ژوند ښه کړي، خو اندېښنې شتون لري.
ځینې خلک په دې باور دي چې چپس د هیکرانو لخوا ناوړه ګټه اخیستل کیدی شي یا شرکتونو او حکومتونو ته شخصي معلومات او فکرونه چمتو کړي.
تر دې دمه۳۶ چینایي ناروغانو چپ ازموینه کړې، چې مثبتې پایلې یې راپور شوي.
