د قزاقستان د کرنې وزارت په وینا، د ۲۰۲۵ کال د سپتمبر او سږ کال د مې ترمنځ افغانستان ته د هېواد د غلو صادرات ۲.۳ ځله زیات شوي دي.
د دغه وزارت لخوا چمتو شوي احصایو پراساس، دا شمېره د تېر کال د ورته مودې په پرتله ۲.۳ ځله لوړه ده، کوم چې ۱.۳ میلیون ټنه وه.
دوه ورځې وړاندې، د افغانستان د مالیې وزارت هم اعلان وکړ چې هېواد ته د غنمو واردات د ګمرکي تعرفو له کمولو وروسته ۳۴۵ سلنه زیات شوي دي.
د ۱۴۰۵ مالي کال په لومړیو دوو میاشتو کې نږدې ۱۹۸ زره ټنه غنم هیواد ته داخل شوي، په داسې حال کې چې دا شمیره د تېر کال په ورته موده کې ۴۴،۰۰۰ ټنه وه.
د مالیې وزارت زیاته کړه چې دې اقدام په هېواد کې د اوړو فابریکو د فعالیتونو پراخولو او د کار فرصتونو رامنځته کولو کې مرسته کړې ده.
اقتصادي کارپوهان د صادراتو زیاتوالی د سوداګرو لپاره د اسانتیاوو برابرولو، د اقتصادي بازار ثبات، د بهرنیو بازارونو څخه د تقاضا د زیاتوالي او د قزاقستان د لوژستیکي سیسټم د ښه کولو پایله ګڼي.
د یادولو ده چې د ا.ا د صنعت او سوداګرۍ وزارت هم په تېرو پنځو کلونو کې د منځنۍ اسیا له هېوادونو سره د پراخو مشورو له لارې د افغان سوداګرو لپاره ډېرې اسانتیاوې برابرې کړې دي ترڅو دوی وکولی شي په ډاډ سره له دغو هېوادونو سره سوداګري وکړي.
