خانهافغانستانپرون له ۱۰۰۰ ډېرې کډوالې کورنۍ هېواد ته راستنې شوې

پرون له ۱۰۰۰ ډېرې کډوالې کورنۍ هېواد ته راستنې شوې

له ګاونډیو هېوادونو څخه د افغان کډوالو د جبري رالېږلو په دوام، د کډوالو ستونزو ته د رسېدنې کمېسیون ویلي چې پرون (سه‌شنبه) له پاکستان او ایران څخه ۱۰۷۷ کډوالې کورنۍ راستنې شوې دي.

یاد کمېسیون ویلي چې دا ۱۰۷۷ کډوالې کورنۍ، چې ۵ زره ۷۸۱ کسان کېږي، پرون (سه‌شنبه) له بېلابېلو لارو هېواد ته راستنې شوې دي.

د راپور له مخې چې پر دې سربېره ۱۱۷۹ کورنۍ خپلو اصلي ولایتونو ته لېږدول شوې او له یو شمېر نورو کورنیو سره نغدي مرستې شوې دي.

د کډوالو ستونزو ته د رسېدنې کمېسیون همداراز ویلي چې پرون سلګونه کورنیو ته سیمکارتونه وېشل شوي او یو شمېر نورو ته روغتیايي، خوراکي او د عامه‌پوهاوي خدمات هم وړاندې شوي دي.

دا په داسې حال کې ده چې له تېرو څو میاشتو راهیسې له ایران او پاکستان څخه د افغان کډوالو جبري ایستل په بې‌سارې توګه زیات شوي او د دغو هېوادونو حکومتونو ټینګار کړی چې دوی به ټول افغانان خپل هېواد ته لېږي.

څه موده مخکې د ملګرو ملتونو د کډوالو چارو عالي کمېشنرۍ ویلي وو چې یوازې په تېرو څو میاشتو کې له پاکستان څخه سلګونه زره افغانان افغانستان ته لېږل شوي دي.

د دې ادارې د راپور له مخې چې پر دې سربېره لا هم په پاکستان کې شاوخوا دوه میلیون افغانان مېشت دي.

بلخوا اسلامي امارت ډاډ څرګند کړی چې تر دې دمه یې د کډوالو د راستنېدنې بهیر په ښه ډول مدیریت کړی دی.

خامه پرس
خامه پرس
خامه پرس د يو معتبر خبري او تحليلي سرچينه ده، چې د ملي، سيمه‌ييزو او نړيوالو موضوعاتو په اړه راپورونه، مقالې او بې‌طرفه شننې خپروي. هغه مطالب چې د "خامه پرس" تر نوم لاندې خپريږي، د دې رسنۍ د خبري ټيم لخوا چمتو کيږي او د تازه پېښو، سياسي، ټولنيزو او کلتوري تحليلونو څخه عبارت دي. د خامه پرس هدف دا دی چې د خپلو نړيوالو لوستونکو لپاره دقيق، معتبر، بې‌طرف او تازه معلومات وړاندې کړي.
مقالات ذات صلة

پاسخ ترک

لطفا نظر خود را وارد کنید
لطفا نام خود را اینجا وارد کنید

- تجارتی اعلانونه -spot_img

نور خبرونه