خانهافغانستاند معیار او کیفیت ادارې نږدې څلور ټنه کم‌کیفیته ودانیز توکي مسترد...

د معیار او کیفیت ادارې نږدې څلور ټنه کم‌کیفیته ودانیز توکي مسترد کړي

د معیار او کیفیت اداره وایي چې په فراه ۷۸ میل بندر کې یې ۳٫۶ ټنه بې‌کیفیته ودانیز توکي بېرته صادرونکي هېواد ته ورګرځولي دي.

د دې ادارې د خبرپاڼې له مخې چې د دغو توکو کیفیت د تخنیکي کارکوونکو له لوري تثبیت شوی او څرګنده شوې چې مستردشویو کاشیو له کورنیو معیارونو سره مطابقت نه درلود.

د معیار او کیفیت ادارې یو وار بیا ټینګار کړی چې په ټولو بندرونو کې د وارداتي توکو د کیفیت د کنټرول او تثبیت پروسه په شفاف، منظمه او قاطع توګه دوام لري.

یادې ادارې بې‌کیفیته او غیرمعیاري توکي د هېوادوالو د سلامتیا لپاره ګواښ بللی او ټینګار یې کړی چې په دې برخه کې به هېڅ ډول نرمښت ونه ښودل شي.

خو په خبرپاڼه کې دا نه دي ویل شوي چې یاد توکي کوم هېواد ته ورګرځول شوي دي.

د یادولو ده چې تر دې مخکې هم د هېواد په بندرونو کې د معیار او کیفیت ادارې له لوري بېلابېل کم‌کیفیته توکي مسترد شوي وو.

څو ورځې مخکې هم په یاد بندر کې لسګونه ټنه کم‌کیفیته ودانیز توکي تر دقیقې ارزونې وروسته بېرته صادروونکي هېواد ته ورګرځول شوي وو.

خامه پرس
خامه پرس
خامه پرس د يو معتبر خبري او تحليلي سرچينه ده، چې د ملي، سيمه‌ييزو او نړيوالو موضوعاتو په اړه راپورونه، مقالې او بې‌طرفه شننې خپروي. هغه مطالب چې د "خامه پرس" تر نوم لاندې خپريږي، د دې رسنۍ د خبري ټيم لخوا چمتو کيږي او د تازه پېښو، سياسي، ټولنيزو او کلتوري تحليلونو څخه عبارت دي. د خامه پرس هدف دا دی چې د خپلو نړيوالو لوستونکو لپاره دقيق، معتبر، بې‌طرف او تازه معلومات وړاندې کړي.
مقالات ذات صلة

پاسخ ترک

لطفا نظر خود را وارد کنید
لطفا نام خود را اینجا وارد کنید

- تجارتی اعلانونه -spot_img

نور خبرونه