خانهنړۍنیویارک ټایمز وایي، د امریکا او ایران په جګړه کې چین او...

نیویارک ټایمز وایي، د امریکا او ایران په جګړه کې چین او روسیې هم غیر مستقیم رول لوبولی

نیویارک ټایمز د امریکا د استخباراتي سرچینو په حواله راپور ورکړی چې چین او روسیې د ایران او امریکا-اسراییلي ایتلاف ترمنځ په جګړه کې غیر مستقیم رول لوبولی دی.

د دې راپور پر بنسټ، د امریکا د امنیتي ادارو ارزونه ښیي چې چین شاید د دې شخړو په جریان کې ایران ته ملاتړ چمتو کړی وي.

ویل کیږي چې دا ملاتړ زیاتره د چینایي شرکتونو له لارې چمتو شوی او پکې د کیمیاوي موادو، سونګ توکو او په پوځي صنعتونو کې کارول شوي ځینو برخو لېږد یا اسانتیا شامله ده.

امریکایي چارواکو، چې نومونه یې نه دي اخیستل شوي، ادعا کړې چې د چین د حکومت په جوړښت کې ځینو خلکو د ایراني امنیتي ادارو سره د همکارۍ پیاوړتیا ملاتړ هم کړی دی؛ که څه هم بیجینګ په مستقیم ډول د پوځي تجهیزاتو په لیږلو کې محتاط دی. راپور دا هم یادونه کوي چې ایران ته د ځینو سپکو وسلو لېږدولو امکان په پام کې نیول شوی، مګر دا په قطعي ډول تایید شوی نه دی.

د راپور په یوه بله برخه کې، ویل شوي چې روسیې د سپوږمکۍ معلوماتو په ورکولو سره په سیمه کې د امریکا د پوځي اهدافو او سمندري حرکتونو په پېژندلو کې هم له ایران سره مرسته کړې ده.

له دې سره، مسکو د راپورونو له مخې د وسلو مستقیم رسولو څخه ډډه کړې، او د استخباراتو او ملکي ملاتړ په برخه کې یې رول ډیر و.

د ایران او امریکا او اسراییلو ترمنځ وروستیو نښتو سیمه‌ییز تاوتریخوالی او نړیوالې اندیښنې زیاتې کړې دي. په ورته وخت کې، په دې کړکیچ کې د چین او روسیې په څېر د لویو قدرتونو رول د شنونکو او نړیوالو ادارو لپاره د علاقې وړ موضوع ګرځېدلې ده.

مقالات ذات صلة

پاسخ ترک

لطفا نظر خود را وارد کنید
لطفا نام خود را اینجا وارد کنید

- تجارتی اعلانونه -spot_img

نور خبرونه