د امریکا د ولسمشر ډونالډ ټرمپ له خوا په ایران کې د پلونو او زیربناوو په نښه کولو ګواښونو وروسته، سعودي عربستان د احتیاطي اقدام په توګه د ملک فهد پل وتړلو.
د ټرمپ له خوا په ایران کې د پلونو او زیربناوو په نښه کولو ګواښونو او د ایران د ځوابي برید وروسته، د ملک فهد پل، چې اصلي پل دی چې سعودي عربستان او بحرین سره نښلوي، ټرافیک د سېشنبې په سهار وځنډول شو.
د شاه فهد پل ادارې په خپل ټویټر پاڼه کې لیکلي: “په تېرو څو ساعتونو کې په ختیځه سیمه کې د ملي لومړني خبرداری پلیټ فارم لخوا د ورکړل شویو خبرداریو په رڼا کې، د ملک فهد پل په اوږدو کې د موټرو ټرافیک د احتیاطي اقدام په توګه وځنډول شو.”
د راپور له مخې، د شاه فهد پل ۲۵ کیلومتره اوږد دی او د بحرین یوازینۍ ځمکنۍ اړیکه ده چې د عربي ټاپووزمې سره نښلوي، هغه هیواد چې د امریکا پنځمه بیړۍ پکې مېشته ده.
دا په داسې حال کې ده چې د امریکا ولسمشر ډونالډ ټرمپ په دې وروستیو کې د هرمز تنګي د پرانیستلو غوښتنه وکړه، څو ورځې یې وخت وټاکه، او ګواښ یې وکړ چې که نه نو د ایران زیربنا به په نښه شي.
په همدې حال کې، د اسراییلو پوځ د اپریل په ۱۸مه، د سېشنبې په سهار یوه اعلامیه خپره کړه، چې ایراني اتباعو ته یې خبرداری ورکړ چې د شپې تر ۹ بجو پورې په اورګاډو کې ونه سپاري او له پټلیو او ریل پټلیو څخه لرې پاتې شي.


