خانهافغانستانخوست کې د زړې مرمۍ چاودنې له امله یو زده‌کوونکي ژوند بایللی

خوست کې د زړې مرمۍ چاودنې له امله یو زده‌کوونکي ژوند بایللی

د  خوست مسوولین وايي په یاد ولایت کې د زړې مرمۍ چاودنې په پېښه کې یو زده‌کوونکی وژل شوی او د دوو نجونو په ګډون درې نور زده‌کوونکي ټپيان شوي دي. 

د دغه ولایت د پوهنې ریاست په خبرپاڼه کې دا کسان د خوست ولایت د مرکزي ښوونځیو اړوند د مړدخېلو متوسط ښوونځي زده‌کوونکي ښودل شوي، او د ټپيانو وضعیت ښه بلل شوی دی.

د خبرپاڼې له مخې چې د پوهنې ریاست رهبري د دې دردناکې پېښې له امله خواشیني څرګندوي او د شهید زده‌کوونکي کورنۍ ته د زړه له کومې تسلیت او خواخوږي وړاندې کوي. همداراز د ټپیانو زده‌کوونکو د ژر تر ژره روغتیا لپاره دعا کوي.

د خوست پوهنې ریاست مسوولینو له زده‌کوونکو غوښتي د مشکوکو او نااشنا توکو له لمس کولو څخه په کلکه ډډه وکړي، ځکه په وینا یې چې ناچاوده مهمات او چاودېدونکي توکي ښايي لا هم په ځینو سیمو کې موجود وي.

د ویلو ده چې تر دې مخکې هم د هېواد په ډېرو سیمو کې د زړو مرمیو د چاودنې له امله لسګونه هېوادوالو ژوند بایللی دی.  

خامه پرس
خامه پرس
خامه پرس د يو معتبر خبري او تحليلي سرچينه ده، چې د ملي، سيمه‌ييزو او نړيوالو موضوعاتو په اړه راپورونه، مقالې او بې‌طرفه شننې خپروي. هغه مطالب چې د "خامه پرس" تر نوم لاندې خپريږي، د دې رسنۍ د خبري ټيم لخوا چمتو کيږي او د تازه پېښو، سياسي، ټولنيزو او کلتوري تحليلونو څخه عبارت دي. د خامه پرس هدف دا دی چې د خپلو نړيوالو لوستونکو لپاره دقيق، معتبر، بې‌طرف او تازه معلومات وړاندې کړي.
مقالات ذات صلة

پاسخ ترک

لطفا نظر خود را وارد کنید
لطفا نام خود را اینجا وارد کنید

- تجارتی اعلانونه -spot_img

نور خبرونه