د ایران بهرنیو چارو وزارت ویاند، اسماعیل بقايي وایي چې پر دغه هېواد د امریکا – اسرائیل د بریدونو له امله هلته مېشت یو شمېر افغانان هم شهیدان او ټپيان شوي دي.
کابل کې د ایران سفارت د اسماعیل بقایي له قوله له ویلي چې تهران د دغو افغانانو له کورنیو سره خواخوږي څرګندوي او ټپيانو ته ټپیانو ته د بېړنۍ روغتیا هیله لري.
تر دې مخکې هم ځینې داسې راپورونه خپاره شوي وو چې په ایران کې مېشت لسګونه افغانان د امریکا – اسرائیل د بریدونو له امله شهیدان شوي دي.
پر ایران د امریکا – اسرائیلو د بریدونو شاوخوا ۳۵ ورځې پوره کېږي او لا هم د دغو هېوادونو ترمنځ د اوربند کومې نښې نه لیدل کېږي.
په ورته مهال د امریکا ولسمشر، ډونالډ ټرمپ ویلي چې ښايي تر راتلونکو دوو دریو اوونیو پورې دا جګړه پایته ورسوي. نوموړي پر خپلو متحدینو تور پورې کړی چې د ایران پر وړاندې یې د امریکا له پوځي اقداماتو ملاتړ نه دی کړی.
ټرمپ د اندېښنو په څرګندولو سره دا هم ویلي چې نوموړی اوس له «ناټو» څخه د امریکا پر ایستلو هم غور کوي.


