د امریکا – اسرائیل او ایران ترمنځ د جګړې په دوام، تهران نن په قطر کې د مایع طبیعي ګازو پر تاسیساتو توغندیز بریدونه کړي دي.
د قطر دفاع وزارت او دولتي شرکت ویلي چې د ایران د دغو توغندیزو بریدونو له امله په سیمه کې پراخې اورلګېدنې رامنځته شوې دي.
تر اوسه پر قطر د ایران د دغه برید په اړه نور معلومات نه دي ورکړل شوي.
د یادولو ده چې تر دې مخکې اسرائیلو د جنوبي پارس ګازي میدان په نښه شو او پراخ مالي زیان یې واړاوه.
د ایران او اسرائیل ترمنځ پر جګړې شاوخوا ۲۰ ورځې تېرې شوې، خو لا هم د دې جګړې د پایته رسېدو کومې نښې نه لیدل کېږي.
تازه ایراني چارواکو یو وار بیا خبرداری ورکړی چې دوی به پر اسرائیلو او په سیمه کې پر امریکايي اډو تر هغه وخته خپل بریدونه دوامدار وساتي، تر څو چې پر دوی بریدونه پایته نه وي رسېدلي.
بلخوا د سیمې یو شمېر هېوادونو د ایران او اسرائیلو پر جګړې اندېښنه ښودلې او ټینګار یې کړی چې باید ژر تر ژره د دې جګړې د پایتهرسېدو لپاره کار وشي.


