د بدخشان مسوولین وایي، د یاد ولایت په «شهربزرګ» ولسوالۍ کې د خونړۍ ترافیکي پېښې له امله پنځه کسان مړه او څلور نور ټپيان شوي دي.
ځايي مسوولینو ویلي چې دا پېښه نن (یکشنبه) سهار مهال د یو لنډکروزر موټر د چپهکېدو له امله شوې ده.
سرچینې د دې پېښې لامل د چلوونکي بېاحتیاطي بللې او په وینا یې چې ټپیان د درملنې په موخه روغتون ته لېږدول شوي دي.
بدخشان یو له هغو ولایتونو دی چې وخت ناوخت پکې دا ډول خونړۍ ترافیکي پېښې کېږي، او په پایله کې یې لسګونه کسان ژوند بایلي.
د یادولو ده چې له تېرو نږدې پنځو کلونو راهیسې په هېواد کې ترافیکي پېښې په بېسارې توګه زیاتې شوې چې ستر لاملونه یې د چلوونکو بېاحتیاطي، ګړندی تګ او د ترافیکي اصولو نهمراعاتول بلل کېږي.
بلخوا اسلامي امارت بار بار له موټرچلوونکو غوښتي چې د هر ډول سفر پرمهال احتیاط او د مسافرو ژوند ته پام وکړي.
څه موده مخکې د ترانسپورت او ملکي هوايي چلند وزارت د ترافیکي پېښو د مخنیوي په موخه په لویو مسافر وړونکو موټرو کې زرګونه «جيپياېس» الو له نصبېدو خبر ورکړی و.


