خانهافغانستانحامد کرزي د ایران مذهبي مشر پر مړینې خواشیني ښودلې 

حامد کرزي د ایران مذهبي مشر پر مړینې خواشیني ښودلې 

د افغانستان پخواني ولسمشر، حامد کرزي د ایران مذهبي مشر، ایت الله علي خامنه‌يي د مړینې په خاطر د ایران له حکومت او خلکو سره خواخوږي څرګنده کړې ده.

ښاغلي کرزي ویلي چې خامنه‌يي همېشه له افغانانو څخه ملاتړ کړی دی، او ایران کې د سولې او امنیت په هیله دی. 

د ایران مذهبي مشر، ایت الله علي خامنه‌يي د امریکا – اسرائیلو په بریدونو کې ژوند وبایلود او د دې ترڅنګ د ایران یو شمېر نور لوړپوړي چارواکي هم وژل شوي دي. 

ایران حکومت خبرداری ورکړ چې د خپل مذهبي مشر غچ به اخلي، او سمدلاسه یې پر اسرائیل او ټول منځني ختیځ کې د امریکا پر اډو او سفارتونو پراخ توغندیز بریدونه پیل کړل. 

د راپورونو له مخې چې ایران په ټول منځني ختیځ کې د امریکا اډې هدف ګرځولې او د دې ترڅنګ یې په اسرائیلو هم بریدونه جاري ساتلي دي.  

ایراني چارواکو خبرداری ورکړی چې خپل دا انتقامي بریدونه به تر نامعلومې نېټې پورې غځوي، تر څو اسرائیل – امریکا له پښو وغورځوي.

د ویلو ده چې د ایران مذهبي مشر د مړینې له امله په ټول ایران کې ۴۰ ورځې ملي ماتم هم اعلان شوی دی.

خامه پرس
خامه پرس
خامه پرس د يو معتبر خبري او تحليلي سرچينه ده، چې د ملي، سيمه‌ييزو او نړيوالو موضوعاتو په اړه راپورونه، مقالې او بې‌طرفه شننې خپروي. هغه مطالب چې د "خامه پرس" تر نوم لاندې خپريږي، د دې رسنۍ د خبري ټيم لخوا چمتو کيږي او د تازه پېښو، سياسي، ټولنيزو او کلتوري تحليلونو څخه عبارت دي. د خامه پرس هدف دا دی چې د خپلو نړيوالو لوستونکو لپاره دقيق، معتبر، بې‌طرف او تازه معلومات وړاندې کړي.
مقالات ذات صلة

پاسخ ترک

لطفا نظر خود را وارد کنید
لطفا نام خود را اینجا وارد کنید

- تجارتی اعلانونه -spot_img

نور خبرونه