د جوزجان مسوولینو د شبرغان – اندخوی په لاره د ترافیکي پېښې له امله د یو کس د مړینې او شپږو نورو له ټپي کېدو خبر ورکړی دی.
د دغه ولایت امنیې قوماندانۍ د خبرپاڼې له مخې چې دا پېښه تېر ماښام په «قریش» سیمه کې د پاسو موټر د چپهکېدو کله امله شوې او ټپيان د درملنې په موخه روغتون ته لېږدول شوي دي.
سرچینې د دې پېښې لامل د چلوونکي بېاحتیاطي بللې او په ټپيانو کې ښځې او ماشومان هم ښودل شوي دي.
له تېرو څو کلونو راهیسې په هېواد کې ترافیکي پېښې په بېسارې توګه زیاتې شوې چې ستر لاملونه یې د چلوونکو بېاحتیاطي، خراب سړکونه، ګړندی تګ او د ترافیکي اصولو نهمراعاتول بلل کېږي.
بلخوا اسلامي امارت له موټرچلوونکو غوښتي چې د هر ډول سفر پرمهال احتیاط او د مسافرو ژوند ته پام وکړي.
څه موده مخکې د ترانسپورت او ملکي هوایي چلند وزارت د ترافیکي پېښو د مخینوي په موخه په لویو مسافروړونکو موټرو کې د زرګونه جيپياېس الو د نصبکېدو راپور هم ورکړی و.


